কবিতাসাহিত্য

মোৰ ঠিকনা নুসুধিবা

দীপ হেষ্টিংছ্ বৰি,গোলাঘাট

 

Let us save the erosion
Of river Brahmaputra…

আজি…                                                          মোৰ ঠিকনা নুসুধিবা তুমি                           ল’ৰালিৰ ঢৌ খেলা ৰ’দালি                        কৈশোৰৰ উত্রাৱল সপোন                           যৌৱনৰ সুকুমল সুবাস                                 জীৱনৰ মধু ছন্দ                                             মোৰ সকলোবোৰ ঠিকনা                               উন্মনা লুইতৰ গৰ্ভত হেৰুৱাই                        আজি মই ঠিকনাবিহীন যাযাবৰ অঘৰী

আজি তুমি মোক নক’বা আকৌ
অহা লৃগাঙলৈ মাতিবা বুলি
দিব নোৱাৰোঁ তোমাক
ধোঁৱা চাং নিগৰি অহা এবাটি আপঙ
এসাঁজ আহুধানৰ ভাত পেট ভৰাই
নামচিঙৰ স’তে

আজি মোৰ আকাশ ক’লা ডাৱৰে আৱৰা
মোৰ দুখৰ জুপুৰি আঁউসী নিশাৰ তমসাভৰা
হয়,আজি মোৰ বাবে
পোহৰতকৈ এন্ধাৰেই আপোন
আজিযে মই ঠিকনাবিহীন যাযাবৰ
লুইতপৰীয়া অঘৰী

Related Articles

Leave a Reply

Close