শেহতীয়া
Home / সম্পাদকীয় / কাজুঅ ইছিগুৰো আৰু সাহিত্যৰ নোবেল

কাজুঅ ইছিগুৰো আৰু সাহিত্যৰ নোবেল

কাজুঅ ইছিগুৰো- ২০১৭ চনৰ সাহিত্যৰ নোবেল বঁটাপ্ৰাপক। এগৰাকী ব্ৰিটিছ লেখক যদিও জন্মসূত্ৰে তেওঁ এগৰাকী জাপানী নাগৰিক। ১৯৫৯ চনত জাপানৰ পৰা গৈ ইংলেণ্ডত বসবাস কৰিবলৈ লয়। ইংলেণ্ডৰ এগৰাকী প্ৰতিষ্ঠিত লেখক ইছিগুৰো । তেওঁৰ প্ৰায় সকলো লেখা নিউয়ৰ্ক টাইমছে বিশ্বৰ প্ৰায় ৪০টা ভাষালৈ অনুবাদ কৰিছে। তেওঁৰ লেখাসমূহৰ এটা বিশেষ বৈশিষ্ট্য হল প্ৰথম পুৰুষত (First Person) সম্বোধন কৰি লিখা। তেওঁৰ বাক্যৰীতিসমূহত প্ৰথম পুৰুষৰ প্ৰয়োগ অধিক। যিয়ে তেওঁৰ লেখাক এক অনন্য মাত্ৰা প্ৰদান কৰিছে। ইছিগুৰো লিখা গ্ৰন্থৰ সংখ্যা সৰহ নহয়। তেওঁৰ ৩৫ বছৰীয়া কেৰিয়াৰত মুঠ ৮খন গ্ৰন্থ লিখিছে। যিসমূহৰ জনপ্ৰিয়তা তুংগত। পাঠকৰ মাজত বিশ্বজুৰি তেওঁৰ গ্ৰন্থই বিপুল সমাদৰ লাভ কৰিছে।

তদুপৰি তেওঁ লেখাসমূহৰ মাজেৰ শক্তিশালী বাৰ্তাও সমাজলৈ বহন কৰিছে। তেওঁ লিখা গ্ৰন্থসমূহ হল-  A PAL VIEW OF HILLS, AN ARTIST OF THE FLOATING WORLD, THE REMAINS OF THE DAY, THE UNCONSOLED, WHEN WE WERE ORPHANS, NEVER LET ME GO, NOCTURNES আৰু BURIED GIANT। ইয়াৰে THE REMAINS OF THE DAY আৰু  NEVER LET ME GO গ্ৰন্থ দুখন ছুইডিছ একাডেমীয়ে উচ্চ প্ৰশংসা কৰে। উল্লেখ্য, যেতিয়া সাহিত্যৰ নোবেল বঁটা সমিতিয়ে তেওঁৰ নাম ঘোষণা কৰে প্ৰথমতে তেওঁ বিশ্বাসেই কৰা নাছিল। হাঁহি মাৰি উৰুৱাই দিছিল সেই কথা। কিন্তু যেতিয়া তেওঁৰ সাংবাদিকসকলে আহি তেওঁৰ ঘৰৰ সন্মুখত ভিৰ কৰিবলৈ ধৰিছিল তেতিয়াহে বিশ্বাস কৰিবলৈ বাধ্য হল যে সঁচাকৈ তেওঁ নোবেল বঁটা লাভ কৰিছে।

Leave a Reply

Your email address will not be published. Required fields are marked *

*