শেহতীয়া
Home / অসম / চন্টক বৰ মিচিং গাঁৱত আলি আই লৃগাং

চন্টক বৰ মিচিং গাঁৱত আলি আই লৃগাং

প্ৰথম খবৰ,শিমলুগুৰিঃ বিভিন্ন প্ৰান্তৰ লগতে শিৱসাগৰ জিলাৰ চন্টক বৰ মিচিং গাঁৱতো আজি কৃষি ভিত্তিক উৎসৱ আলি আই লিগাং উদযাপন কৰা হয়৷ পৰম্পৰাগতভাৱে চন্টক মিচিং গাঁৱত মিচিং সকলে মাংগলিক ৰীতি নীতিৰে পালন কৰে এই উৎসৱ৷ আজি ফাগুণৰ প্ৰথম বুধবাৰ। মিচিংসকলৰ কৃষিভিত্তিক জাতীয় উৎসৱ আলি-আইয়ে-লৃগাং শিৱসাগৰ জিলাৰ চন্টক বৰমিচিং গাঁৱত ফাগুনৰ প্ৰথমটো বুধবাৰে মিচিংসকলে আলি-আই-লৃগাঙৰ যি মাঙ্গলিক কাৰ্যৰে শুভাৰম্ভ কৰি বিভিন্ন কাৰ্যসূচীৰে ইয়াত আৰম্ভ কৰে৷ দ:ঞি: পলক সাক্ষী কৰি গাঁৱৰ ডেকা-বুঢ়া, আইতা-দেউতা সকলোটি ওলাই আহি গোমৰাগ চ:মান নৃত্যৰে মুখৰিত কৰি তোলে আলি-আইয়ে-লৃগাঙৰ উদযাপনস্থলী৷ নৃত্যৰে মুখৰিত হৈ পৰে উদযাপনস্থলী ৷ ডেকা গাভৰু,জীয়ৰী বোৱাৰী সকলোৱে এপাক নাচি আদৰণি জনাই তেওঁলোকৰ হেপাহৰ আলি আয়ে লৃগাঙক। দিনযোৰা কাৰ্যসূচীৰে উদযাপন কৰা আলি আই লৃগাঙৰ পুৱাই পতাকা উত্তোলনেৰে শুভাৰম্ভ কৰে সমাজকৰ্মী মিলাই পেগুৱে৷ হিৰন্য গামি বৃক্ষ ৰোপন কৰাৰ পাছতেই বীজ সিঁচা পৰ্ৱ সমাপন কৰে শিক্ষক তথা সমাজকৰ্মী ধীৰেন টায়ে৷ উৎসৱৰ লগত সংগতি অনুষ্ঠিত কৰা ছাত্ৰ-ছাত্ৰীসকলৰ মাজত চিত্ৰাংকন,কুইজ,ভেশচন,নৃত্য আদি প্ৰতিযোগিতাৰ শুভ উদ্বোধন কৰে অ’ এন জি চিৰ কল্যাণ বিষয়া সোনাবৰ পাংগিনে৷ একে অনুষ্ঠানতি উচ্চ আৰু উচ্চতৰ মাধ্যমিকত অৱতীৰ্ণ হ’বলগীয়া পৰীক্ষাৰ্থীসকলক অভিনন্দন জনোৱা হয়৷ শিক্ষক নৱ পাংগিঙে আত ধৰা অনুষ্ঠানত মিচিং যুৱক-যুৱতীসকলে পৰম্পৰাগত সাজপাৰ পৰিধান কৰি ঐনিতম গাই ,নৃত্য পৰিবেশনে আপ্লুত কৰি তোলে৷ অনুষ্ঠানত সাংবাদিক চৰিফ আলি,মনোজ দ্ত্ত,বিপিন হাজৰিকাৰ লগতে ভালেকেইজন বিশিষ্ট ব্যক্তি উপস্থিত থাকে৷

 

Leave a Reply

Your email address will not be published. Required fields are marked *

*