শেহতীয়া
Home / সভা-সমিতি / বিশ্ব ৰেডক্ৰ’ছ দিৱস পালন মংগলদৈ ৰেডক্ৰ’ছ শাখাৰ

বিশ্ব ৰেডক্ৰ’ছ দিৱস পালন মংগলদৈ ৰেডক্ৰ’ছ শাখাৰ

দেওমৰনৈৰ পৰা নিৰঞ্জন শইকীয়া, প্ৰথম খবৰ: মঙ্গলবাৰে ভাৰতীয় ৰেডক্ৰ’ছ ছ’চাইটি মংগলদৈ ৰেডক্ৰ’ছ শাখাৰ উদ্যোগত দিনযোৰা কাৰ্যসূচীৰে বিশ্ব ৰেডক্ৰ’ছ দিৱস পালন কৰা হয়। হেনৰী ডুনান্টৰ জন্ম দিনটো বিশ্ব ৰেডক্ৰ’ছ দিৱস হিচাপে আজি সমগ্ৰ বিশ্বই পালন কৰিছে।

মংগলদৈত আজি ৰাতিপুৱা ৰেডক্ৰ’ছৰ পতাকা উত্তোলন কৰে মংগলদৈ ৰেডক্ৰ’ছ শাখাৰ অধ্যক্ষ চন্দ্র চক্ৰৱৰ্তীয়ে ইয়াৰ পিছতে দৰং জিলা উপায়ুক্তৰ বাসভৱনত গৈ উপায়ুক্ত অশোক কুমাৰ বৰ্মন দেৱক ৰেডক্ৰ’ছৰ বেজ পৰিধান কৰে। তাৰ পিছত মংগলদৈ এম এম একাডেমীত মংগলদৈ ৰেডক্ৰ’ছ শাখাৰ অধ্যক্ষ চন্দ্ৰ চক্ৰৱৰ্তীৰ সভাপতিত্বত এখন স্বাস্থ্য সম্পৰ্কীয় সভা অনুষ্ঠিত হয়। উক্ত সভাত হেনৰী ডুনান্টৰ প্ৰতিচ্ছবিত বন্তি প্ৰজ্বলন কৰে দৰং জিলাৰ উপ আৰক্ষী অধিক্ষক অমৃত কুমাৰ হোজাইয়ে আৰু সভাত বিশেষভাৱে উপস্থিত থাকে ডাঃ ৰমা বৰা, ডাঃ কমলেশ্বৰ নাথৰ লগতে কেইবাগৰাকীও ব্যক্তি।

সভাখনিৰ আঁত ধৰে মংগলদৈ ৰেডক্ৰ’ছ ৰ সম্পাদক মতি মেধিয়ে আৰু সভাৰ উদ্দেশ্য ব্যাখ্যা কৰে মংগলদৈ ৰেডক্ৰ’ছৰ কোষাধ্যক্ষ জয়ন্ত শৰ্মাই আৰু আজিৰ এই অনুষ্ঠানত শতাধিক লোক উপস্থিত থাকে।

Leave a Reply

Your email address will not be published. Required fields are marked *

*