শীৰ্ষৰাষ্ট্ৰীয়

পশ্চিম বংগৰ টী এম চি কাৰ্যালয়ত বোমা বিস্ফোৰণ, দুজন নিহত-আহত চাৰি

নেচনেল ডেস্ক, প্ৰথম খবৰ: বৃহস্পতিবাৰে পুৱা পশ্চিমবঙ্গৰ পশ্চিম মিদনাপুৰস্থিত নাৰায়ণগড়ৰ টী এম চি পাৰ্টীৰ কাৰ্যালয়ত এক বোমা বিস্ফোৰণ সংঘটিত হয়৷ এই বিস্ফোৰণত দুজন লোক নিহত হোৱাৰ লগতে গুৰুতৰভাৱে আহত হয় চাৰিজনকৈ লোক৷ উল্লেখ্য যে টীএমচি পাৰ্টীৰ কাৰ্যালয়ত অনুষ্ঠিত হ’বলগীয়া এখন মিটিঙত অংশগ্ৰহণৰ বাবে ইয়াৰ সদস্যসকল এই কাৰ্যালয়লৈ আহি কাৰ্যালয়ৰ দুৱাৰ খুলিবলৈ লওঁতেই এই বিস্ফোৰণ সংঘটিত হয়৷ এই বিস্ফোৰণত টী এম চিৰ সদস্য সুদীপ্ত ঘোষৰ থিতাতে মৃত্যু হোৱাৰ লগতে মিদনাপুৰ মেডিকেল কলেজ আৰু হাস্পাতালত আন এজন লোকৰ মৃত্যু হয়৷ গুৰুতৰ ভাৱে আহত আটাইকেজন বৰ্তমান মিদনাপুৰ মেডিকেল কলেজ আৰু হাস্পাতালত চিকিৎসাধীন হৈ আছে৷

Related Articles

Leave a Reply

Your email address will not be published. Required fields are marked *

Close