অসমশীৰ্ষ

নগাঁৱৰ অাইভেটীত কৃষি তথ্য কেন্দ্ৰ উদ্বোধন

প্ৰথম খবৰ,জাজৰি: অসম কৃষি বিশ্ববিদ্যালয়ৰ অধীনস্থ নগাঁৱৰ অাঞ্চলিক কৃষি গৱেষনা কেন্দ্ৰৰ তত্বাবধানত পৰিচালিত হৈ থকা গ্ৰাম্য কৃষি কৰ্ম অভিজ্ঞতা অাঁচনি ২০১৮ ৰ অালমত যোৰহাট কৃষি মহাবিদ্যালয়, বিশ্বনাথ কৃষি মহাবিদ্যালয় অাৰু শৰৎ চন্দ্ৰ সিংহ কৃষি মহাবিদ্যালয়ৰ ৩০ গৰাকী ছাত্ৰ ছাত্ৰীৰ লগতে ৰাজস্থানৰ মেৱাৰ বিশ্ববিদ্যালয়ৰ ৪ জন ছাত্ৰই নগাঁৱৰ অাইভেটী-পহুকটা গাঁৱত বিগত ২৮ অাগষ্টৰ পৰা শিৱিৰ পাতি অাছে। গ্ৰাম্য কৃষি কৰ্ম অভিজ্ঞতা অাঁচনি ২০১৮ ৰ অালমত কৃষি বিশ্ববিদ্যালয়ৰ ছাত্ৰ ছাত্ৰীসকলে নগাঁৱৰ অাইভেটী অাৰু পহুকটা গাঁৱত ক্ৰমে দুটা তথ্য কেন্দ্ৰ মুকলি কৰাৰ সমান্তৰালকৈ অাজি নগাঁৱৰ অাইভেটি গাঁৱৰ পুঁথিভৰালত এক কৃষি তথ্য কেন্দ্ৰ উদ্বোধনী অনুষ্ঠানৰ অায়োজন কৰে। এই অনুষ্ঠানৰ লগত সংগতি ৰাখি ছাত্ৰ-ছাত্ৰী সকলে আজি পুৱা ১০ বজাত উক্ত গাঁৱৰ ডি.কে উচ্চ বুনিয়াদী বিদ্যালয়ত এক বৃক্ষৰোপন কাৰ্য্যসূচী অনুষ্ঠিত কৰে। উক্ত কাৰ্য্যসূচীত উপস্থিত থাকে অাঞ্চলিক কৃষি বিজ্ঞান কেন্দ্ৰৰ বিজ্ঞানীসকলৰ লগতে বিদ্যালয়ৰ কৰ্তৃপক্ষসকল। আনহাতে আজিৰ এই অনুষ্ঠানৰ লগত সংগতি ৰাখি পুৱা ১১ বজাত এখন সভাও অায়োজন কৰা হয়। কৃষি বিশ্ববিদ্যালয়ৰ ছাত্ৰ মানস প্ৰতীম চেতীয়াই অাঁত ধৰা এই সভাখনত অাঞ্চলিক কৃষি গৱেষনা কেন্দ্ৰৰ মুখ্য বিজ্ঞানী ড° পি.কে দাস, গ্ৰাম্য কৃষি কৰ্ম অভিজ্ঞতা অাঁচনিৰ তত্বাবধায়ক ড° ইদ্ৰীছ অালী স্বেখ, কৃষি বিজ্ঞান কেন্দ্ৰ নগাঁৱৰ মুৰব্বী ড° নিৰঞ্জন ডেকাকে প্ৰমুখ্য কৰি বহু সংখ্যক গন্যমান্য ব্যক্তি উপস্থিত থাকে।

Related Articles

Leave a Reply

Your email address will not be published. Required fields are marked *

Close