অসমশীৰ্ষ

দহ ৰাজ্যৰ অংশগ্ৰহণেৰে নলবাৰীত ৰাষ্ট্ৰীয় হেণ্ডবল

প্ৰাঞ্জল শৰ্মা, প্ৰথম খবৰ, নলবাৰী ১৫ মাৰ্চ   :
অসম হেণ্ডবল  মহিলা  দল আৰু  অৰুণাচল হেণ্ডবল মহিলা দলৰ উদ্বোধনী খেলেৰে নলবাৰী জিলাৰ বেলশৰত আৰম্ভ হ’ল  ২৩ তম ৰাষ্ট্ৰীয় পৃৱ মাণ্ডলিক দিৱা-নৈশ পুৰুষ- মহিলা  হেণ্ডবল প্ৰতিযোগিতা ।  ভাৰতীয় হেণ্ডবল ফেডাৰেচনৰ উদ্যোগত অসম হেণ্ডবল সন্থাৰ সহযোগত আৰু বেলশৰ আঞ্চলিক ক্ৰীড়া সংঘৰ আমন্ত্ৰণ ত   ষ্হানীয় বেলশৰ উচ্চতৰ মাধ্যমিক বিদ্যালয়  খেল  পথাৰত আজিৰে  পৰা  তিনিদিনীয়াকৈ   ২৩ তম্  ৰাষ্ট্ৰীয়  পূৱ   মাণ্ডলিক দিৱা-নৈশ পুৰুষ- মহিলা হেণ্ডবল প্ৰতিযোগিতাখন  আৰম্ভ হয় । মুঠ ১০ খন  ৰাজ্যই অংশগ্ৰহণ কৰা প্ৰতিযোগিতাৰ পুৱাৰ  উদ্বোধনী লীগ খেলত অসমৰ মহিলা দলে অৰুণাচল দলক ২৪-১ ছেটত পৰাস্ত কৰে। ইপিনে, বিয়লিৰ আনখন খেলত পুৰুষৰ মণিপুৰ দলে উৰিষ্যা দলক ৩২-১৮ ছেটত পৰাস্ত কৰে। এই  উপলক্ষে পুৱা ৮ বজাত ভাৰতীয় হেণ্ডবল সন্থা,অসম হেণ্ডবল সন্থা,নলবাৰী জিলা হেণ্ডবল সন্থা, বেলশৰ আঞ্চলিক ক্ৰীড়া সংঘৰ পতাকা উত্তোলনেৰে প্ৰতিযোগিতাৰ কাৰ্যসূচী মুকলি হয়। ইয়াৰ লগতে ২৩ খন   পতাকা আন বিভিন্ন ক্ষেত্ৰত জড়িত ২৩ গৰাকী বিশিষ্ট ব্যক্তিয়ে পতাকা উত্তোলন কৰে ।  ইপিনে, প্ৰতিযোগিতা আদৰণি সমিতিৰ   সভাপতি লক্ষ্মী পাটোৱাৰীৰ পৌৰোহিত্যত অনুষঠিত  উদ্বোধনী অনুষঠানৰ  সভাত মেঘালয়ৰ  প্ৰাক্তন উপ মূখ্যমন্ত্ৰী দেৱৰা মাৰাক,মৰাণ ছাত্ৰ সন্থাৰ সভাপতি অৰুণজ্যোতি মৰাণকে ধৰি  কেবাগৰাকী বিশিষ্ট ব্যক্তি উপস্থিত থাকে ।অনুষঠান ৰ উদ্বোধনী ভাষণ আগবঢ়ায় অসম হেণ্ডবল সন্থাৰ সভাপতি অমল  নাৰায়ণ পাটোৱাৰীয়ে। ইয়াৰ পূৰ্বে মাৰ্চ পাষ্টৰ অভিবাদন গ্ৰহণ কৰা হয়।-প্ৰতিযোগিতাত অসম,অৰুণাচল,মেঘালয়, মণিপুৰ, ত্ৰিপুৰা, পশ্চিম বংগ,ঝাৰখণ্ড, বিহাৰ, উৰিষ্যা,নাগালেন্ডৰ দলে অংশ লয়। ।

Related Articles

Leave a Reply

Close