অসমশীৰ্ষ

শাকপাচলি বিক্ৰী কৰি পঢ়ুৱালে মানসীক, নৱম স্থান লাভ

উচ্চতৰ মাধ্যমিক পৰীক্ষাত নৱম স্থান দখল কৰি চাংসাৰিৰ ৰূপকোঁৱৰ একাডেমিৰ নাম উজলালে মানসী দাসে।

পঙ্কজ নাথ, চাংসাৰি, ২৫ মে :

সদ্য ঘোষিত উচ্চতৰ মাধ্যমিক পৰীক্ষাত কলা শাখাত প্ৰথম দহৰ ভিতৰত নৱম স্থান দখল কৰি চাংসাৰিৰ ব্যক্তিগত শৈক্ষিক প্ৰতিষ্ঠান ৰূপকোঁৱৰ একাডেমিৰ নাম উজলালে মানসী দাসে। কামৰূপ জিলাৰ অন্তৰ্গত বেজেৰা আঞ্চলিক মহাবিদ্যালয় পৰীক্ষা কেন্দ্ৰৰ পৰা এইবাৰৰ উচ্চতৰ মাধ্যমিক পৰীক্ষাত অৱতীৰ্ণ হোৱা ৰূপকোঁৱৰ একাডেমিৰ ছাত্ৰী মানসী দাসে ৪৬৬ নম্বৰ লাভ কৰি এই গৌৰৱ কঢ়িয়াই আনিবলৈ সক্ষম হয়। চাংসাৰিৰ সমীপবৰ্তী চৌকী সেন্দুৰীঘোপা গাঁৱৰ অতি দৰিদ্ৰ পৰিয়ালৰ প্ৰেমধৰ দাস আৰু দিপাঞ্জলী দাসৰ কণ্যা মানসী দাসৰ এই সফলতাৰ পিছতে অঞ্চলটোৰ ৰাইজ উৎফুল্লিত হৈ পৰিছে। ইয়াৰ লগতে একাডেমী খনৰ অধ্যক্ষ শ্বেখ আব্দুল ফিৰোজে তেওঁৰ একাডেমিৰ লগতে সমগ্ৰ কামৰূপ জিলালৈ গৌৰৱ কঢ়িয়াই অনা ছাত্ৰী গৰাকীৰ সফলতাত যথেষ্ট সুখ ও আনন্দ প্ৰকাশ কৰি ছাত্ৰী গৰাকীলৈ শুভেচ্ছা জ্ঞাপন কৰে। তাৰোপৰি একাডেমী খনৰ এই সফলতাৰ পিছতে অঞ্চলটোৰ শুভাকাংক্ষীৰ লগতে ইয়াৰ শিক্ষাৰ্থী সকলে যথেষ্ট উৎফুল্লিত হৈ ছাত্ৰী গৰাকীক লগত লৈ এক ৰেলী উলিয়াই মানসীক অভিবাদন জনাইছে। আজিৰ এই সফলতাৰ পিছতে অঞ্চলটোৰ সচেতন ৰাইজৰ সমনিতে শুভাকাংক্ষী সকলে সফলতা লাভ কৰা ছাত্ৰী গৰাকীৰ লগতে কলা, বানিজ্য আৰু বৰ্তমান নতুনকৈ বিজ্ঞান শাখাৰ আৰম্ভণি ঘটোৱা একাডেমী খনৰ প্ৰতিষ্ঠাপক অধ্যক্ষ শ্বেখ আব্দুল ফিৰোজকো অভিনন্দন জনাই একাডেমী খনৰ উজ্জ্বল ভৱিষ্যত কামনা কৰিছে।

Related Articles

Leave a Reply

Close