কবিতাশীৰ্ষ

টোপনিৰ অপেক্ষাত

মূল বাংলাঃ সুস্মিতা
অসমীয়া অনুবাদঃ ৰিতু গগৈ
***

আমি প্ৰত্যেকেই আজিকালি
অকলে কান্দোঁ,অকলে হাঁহোঁ
কথা পাতোঁ অকলসৰে
নিজেই মচোঁ নিজৰ অশ্ৰু
নিজকে নিজে মৰম কৰোঁ
কণমানি শিশুৰ দৰে, কেতিয়াবা অভিভাৱক
কেতিয়াবা সন্তান হৈ নিজৰেই হাতত ধৰি
পুনৰ থিয় দিওঁ…

কেতিয়াবা প্ৰ-পিতামহীৰ দৰে প্ৰাগ্ঐতিহাসিক
বেদনাৰ বোজা বৈ অকলেই আগুৱাওঁ পথ
নিৰুপায় নিৰ্জন পথত মোৰ সংগী
মই নিজে…
ক্ষণিকৰ সহযাত্ৰীৰ সৈতে বিনিময়
হয় মাথোঁ মৌন মনালিছাৰ হাঁহি
এতিয়া আৰু কোনো সপোন নেদেখোঁ
এয়া এক ঠিকনাবিহীন যাত্ৰা…

মাত্ৰ টোপনি অহাৰ অপেক্ষা…

Related Articles

Leave a Reply

Close