অসম

দুধনৈত  বহুভাষিক খিলঞ্জীয়া জনজাতীয় সাহিত্য সভাৰ  অভিধান প্ৰণয়নৰ দ্বিতীয় কৰ্মশালাৰ সামৰণি

প্ৰথম খবৰ, দুধনৈ,ভবেশ চন্দ্ৰ ভাগৱতী :নিখিল ৰাভা সাহিত্য সভাৰ সৌজন্যত যোৱা ২২ আগষ্টৰ পৰা আজি ২৫ আগষ্টলৈ চাৰিদিনীয়া কাৰ্যসূচীৰে নিখিল ৰাভা সাহিত্য সভাৰ সৌজন্যত  মণি ৰাভা নকৰাছং (BRKR) ৰ দুধনৈস্থিত মুখ্য কাৰ্যালয়ত  চলি থকা খিলঞ্জীয়া জনজাতীয় সাহিত্য সভাৰ বহুভাষিক অভিধান প্ৰণয়নৰ দ্বিতীয় কৰ্মশালাৰ আজি সামৰণি পৰে৷ এই অভিধান খন প্ৰণয়নৰ জৰিয়তে বৰ্তমান যুব প্ৰজন্মক সকলো ভাষাৰ প্ৰতি আকৰ্ষিত কৰাৰ লগতে ভাষিক সমন্বয়, সম্প্ৰীতি আৰু ভাষা সংৰক্ষণৰ বাবে খিলঞ্জীয়া জনজাতীয় সাহিত্য সভাই ( চমুকৈ ইটচা) ই এই পদক্ষেপ গ্ৰহণ কৰিছে৷ খিলঞ্জীয়া জনজাতীয় সাহিত্য সভাৰ সভাপতি গোবিন্দ টাইড আৰু সম্পাদক প্ৰধান কমলাকান্ত মছাহাৰীয়ে সংবাদ মাধ্যমক জনোৱা মতে অভিধান খনত বড়ো,ৰাভা,দেউৰী,কাৰবি, ডিমাচা,তিৱা,মিচিং, গাৰো ভাষাৰ লগতে ইংৰাজী,হিন্দী আৰু অসমীয়া ভাষা সহ মুঠ এঘাৰটা ভাষা সন্নিবিষ্ট কৰা হৈছে৷ অভিধান প্ৰণয়ন কমিটিৰ প্ৰধান বিশেশ্বৰ বসুমতাৰীয়ে জানিবলৈ দিয়া মতে এই অভিধান খন প্ৰণয়ন কৰাৰ বাবে পাণ্ডুলিপি সম্পুৰ্ণ হোৱালৈ বিটিচি প্ৰশাসনে ৩৫,০০০০০ (পয়ত্ৰিশ ) লাখ অনুমোদন দিছে৷ ইয়াৰে প্ৰথম কিস্তি দহ লাখ টকা ইতিমধ্যে মুকলি কৰি দিছে৷ এই কৰ্মশালাত প্ৰতিটো  খিলঞ্জীয়া জনজাতীয় ভাষাৰ  তৰফৰ তিনিজনকৈ ভাষা বিশেষজ্ঞই  কাম কৰি আছে৷ বৰ্তমানলৈ ৬০ শতাংশ কাম সম্পুৰ্ণ হৈছে৷ অভিধান খনত প্ৰায় ১২০০০ হাজাৰ মান শব্দ সংযোজন কৰিছে৷ পাণ্ডুলিপিৰ কাম ২০২০ চনত সম্পুৰ্ণ হৈ উঠিব ৷ কৰ্মশালাৰ সামৰণি অনুষ্ঠানত বড়ো ভাষাৰ সীতাৰাম বসুমতাৰী, ৰাভা ভাষাৰ     ড’ উপেন ৰাভা হাকাচাম, ৰাজ কুমাৰ ৰাভা, তাৰক ৰাভা বাৰচুং, অমল ৰাভা, কাৰ্বি ভাষাৰ ছিকাৰী টিছু, বুদ্ধেশ্বৰ টিমুং, তিৱা ভাষাৰ লালচিং মাডাৰ, ফ্ৰানচিচ মাচলাই, হৰচিং থলাৰ, গাৰো ভাষাৰ ড’ থাৰচুচ কে চাংমা, সুৰজ চাংমা, চাইলিয়াম মাৰাক,জন কেৰী চাংমা, মিচিং ভাষাৰ ডিম্বেশ্বৰ দলে, হৰি নাৰায়ন পেগু, দেউৰী ভাষাৰ লীলাকান্ত দেউৰী, মনোজ কুমাৰ দেউৰী, বিদ্যাসাগৰ দেউৰী  আৰু ডিমাচা ভাষাৰ ডা: মহন্ত কুমাৰ লাংথাচা আৰু  মুক্তেশ্বৰ কেম্পৰাই উপস্থিত থাকে৷

Related Articles

Leave a Reply

Close