অসম

বিহালীৰ বেদেতি চাহ বাগিছাত অঘটন, বিদ্যুৎস্পৃষ্ট হৈ শিশুৰ কৰুণ মৃত্যু

প্ৰথম খবৰ, বৰগাং: আজি বিহালী আৰক্ষী থানাৰ অন্তৰ্গত বেদেতি চাহ বাগিছাত এক অঘটন সংঘটিত হৈ এটা শিশু মৃত্যু হয়৷ জানিব পৰামতে, বেদেতি চাহ বাগিছাৰ ১ নম্বৰ লাইনত বিয়লি প্ৰায় ৫ মান বজাত কেশৱ লোহাৰ নামৰ ৭ বছৰীয়া কনমানি এটাই নিজা বাসগৃহৰ সন্মুখৰ অৰ্জুন লোহাৰ নামৰ ব্যক্তি এজনৰ চোতালত সমনীয়া বন্ধুৰ লগত উমলি থাকোতেই হঠাৎ বিদ্যুৎস্পৃষ্ট হৈ অতি কৰুণভাৱে মৃত্যু মুখত পৰে৷

পুৱা চাহ বাগিছাত কাম কৰিবলৈ গৈ কাম বন সম্পন্ন কৰি ঘৰলৈ উভটি অাহি ৭ বছৰীয়া মাজু পুত্ৰক মৃত অৱস্থাত দেখি পিতৃ-মাতৃয়ে সংজ্ঞাহীন হৈ পৰে৷ প্ৰতক্ষ্যদৰ্শীৰ ভাষ্য মতে, কনমানিটো বাগিছাৰ শ্ৰমিকৰ আৱাস গৃহত সংযুক্ত বিদ্যুতৰ আৰ্থিণত অকস্মাৎ লাগি থিতাতে মৃত্যু হয়। উল্লেখ্য যে, কনমানিটোৰ পিতৃ যোগেন্দ্ৰ লোহাৰ আৰু মাতৃ টিনা লোহাৰ বুলি জানিব পৰা গৈছে।

Related Articles

Leave a Reply

Close