অসমশীৰ্ষ

বিদ্যা ভাৰতী অসমৰ দ্বাৰা স্বদেশী স্বাক্ষৰ অভিযানৰ শুভাৰম্ভ

প্ৰথম খবৰ, পঙ্কজ নাথ, চাংসাৰি : স্বদেশী আচৰণ আৰু স্বাৱলম্বনৰ আধাৰত সমৃদ্ধ আৰু শক্তিশালী ভাৰত গঢ়াৰ স্বাৰ্থত স্বদেশী সংকল্পৰে আজি ডিজিটেল স্বাক্ষৰ অভিযানৰ শুভাৰম্ভ শিশু শিক্ষা সমিতি, অসমৰ প্ৰান্তীয় কাৰ্যালয়ৰ পৰা কৰা হয়।

উক্ত অভিযানত অংশ গ্ৰহণ কৰে বিদ্যা ভাৰতীৰ অখিল ভাৰতীয় মন্ত্ৰী তথা পূৰ্বোত্তৰ ক্ষেত্ৰৰ সংগঠন মন্ত্ৰী ব্ৰহ্মাজী ৰাও, পূৰ্বোত্তৰ ক্ষেত্ৰৰ সহ সংগঠন মন্ত্ৰী ড০ পৱন তিৱাৰী, উত্তৰ অসম প্ৰান্তৰ সংগঠন মন্ত্ৰী হেমন্ত ধিং মজুমদাৰ তথা অন্যান্য কাৰ্যকৰ্তাবৃন্দ।


উল্লেখযোগ্য যে, স্বদেশী জাগৰণ মঞ্চই যোৱা কেইবা দশক ধৰি সম্পূৰ্ণ দেশতে স্বদেশী সা-সমগ্ৰীৰ লগতে আমাৰ দৈনন্দিন জীৱনত প্ৰয়োজন হোৱা সকলো বিষয়তে স্বদেশী আচৰণৰ প্ৰতি সমাজক আকৃষ্ট কৰাৰ প্ৰচেষ্টা অব্যাহত ৰাখিছে।

সাম্প্ৰতিক ক’ৰোনা মহামাৰীকে আদি কৰি চীনৰ আগ্ৰাসনলৈকে সকলো দিশৰ প্ৰতি লক্ষ্য ৰাখি এই অভিযান তীব্ৰতৰ কৰি তোলাৰ উদ্দেশ্যে স্বদেশী জাগৰণ মঞ্চই অন্যান্য সংগঠনৰো সহযোগিতাৰে এই অভিযানক অধিক জনমুখী তথা প্ৰভাৱী কৰিবলৈ যোৱা ১ জুলাইৰ পৰা ৫ জুলাইলৈকে এক ৰাষ্ট্ৰব্যাপী আন্দোলনৰ ৰূপ দিছে।


এই কাৰ্যৰ বাবে প্ৰত্যেকে নিজৰ হাতত থকা এণ্ড্ৰইড বা অন্য স্মাৰ্টফোনৰ সহায়ত https://joinswadeshi.com/form2/ এই লিংকত গৈ নিজৰ নাম ইমেইল আই ডি, ফোন নং, দেশ, ৰাজ্য আৰু জিলা এই কেইটা তথ্য পূৰাই SUBMIT বুটামটো টিপি দিলেই ফৰ্মখন জমা হৈ যায়।


অন্যান্য সংগঠনৰ দৰেই বিদ্যা ভাৰতীয়েও সকলোকে এই অভিযানত অংশ গ্ৰহণ কৰিবলৈ অনুৰোধ জনাইছে। উক্ত কাৰ্যসূচীৰে শুভাৰম্ভণি আজি বিদ্যা ভাৰতীৰ প্ৰান্তীয় কাৰ্যালয়ত বিষয়ববীয়া সকলে নিজৰ নিজৰ মোবাইলৰ জৰিয়তে ডিজিটেল স্বাক্ষৰৰ মাধ্যমেৰে সম্পাদন কৰে। ইয়াৰ লগতে সকলো অসমবাসীকে এই অভিযানত অংশ গ্ৰহণ কৰাৰো আহ্বান জনায়।

আজিৰ এই শুভাৰম্ভণি অনুস্থানতে অকল স্বাক্ষৰ কৰিয়েই আমাৰ দায়িত্ব সামৰিলে নহব, আমাৰ দৈনন্দিন জীৱনত ইয়াক স্বভাৱত পৰিণত কৰিব লাগিব তেতিয়াহে এই অভিযান সফল হব বুলি বিদ্যা ভাৰতী পূৰ্বোত্তৰ ক্ষেত্ৰৰ সহ সংগঠন মন্ত্ৰী ড০ পৱন তিৱাৰীয়ে মতামত আগবঢ়ায় বুলি জানিব পৰা গৈছে ।

Related Articles

Leave a Reply

Close